Thursday, February 5, 2009

કૃષ્ણ એવું શું છે તારા નામમાં...


વાંસળી પડઘાય આખ્ખા ગામમાં
કૃષ્ણ એવું શું છે તારા નામમાં

વીજળી ઝબકી ને વાદળમાં શમી
જાણે રાધા ઓગળી ગઈ શ્યામમાં

આંખ મીંચું તોય તું દેખાય છે
જીવ ક્યાંથી લાગે કોઈ કામમાં

રોમરોમે મોરપીંછું ફરફરે
કેવો જાદુ છે તારા નામમાં

ભગ્ન દિલમાં એમ તારી યાદ આ
જાણે ગોરસ કોઈ કાચા ઠામમાં

આદિલ મન્સૂરી

1 comment:

Viktor Kapinus said...

Thank you very much!!!
It's wonderful and beautiful!!!