Tuesday, February 24, 2009

પાકિસ્તાનના 30 પ્રશ્નો


છેવટે પાકિસ્તાને સ્વીકારી લીધું કે મુંબઈ હુમલાનું ષડયંત્ર તેની જમીન પર જ રચાયું હતું, પણ તેની સાથે જ તેણે ભારતને 30 પ્રશ્નોની યાદી પણ સોંપી દીધી. પાકિસ્તાનને હવે અપરાધીઓ સામે આગળની કાર્યવાહી કરતાં પહેલાં આ પ્રશ્નોના જવાબ જોઇએ છે. આ પ્રશ્નોની યાદી 'ઇન્ડિયા ટુડે'ના તાજેતરમાં પ્રસિદ્ધ થઈ છે. તેમાં પ્રશ્નો ઓછા અને માગણી વધારે છે. તેમાં ભારતને સહકાર આપવાની ભાવના ઓછી અને ઉલટતપાસ કરવાનો ઇરાદો વધારે છે. પાકિસ્તાન કદાચ એ જાણવા માગે છે કે તેના નાપાક ઇરાદાની કડીઓ ભારતે મેળવી કેવી રીતે...આ યાદી જોઇએ.....

(1) અદાલત સમક્ષ અજમલ કસાબે શું કહ્યું છે?

(2) કસાબની હાલની વર્તમાન તસ્વીરો મોકલો.

(3) તેના ડીએનએનો નમૂનો અને ફોરેન્સિક વિશ્લેષણનો રીપોર્ટ મોકલો.

(4) તેના વસ્ત્રો પર ઉપલબ્ધ નિશાનીઓનો રીપોર્ટ આપો.

(5) તેના રાષ્ટ્રીય ઓળખપત્રની વિસ્તૃત વિગતો આપો.

(6) કસાબ સહિત દસ અપરાધીઓ પાસેથી પ્રાપ્ત થયેલી ચીજવસ્તુઓની વિસ્તૃત વિગતો આપો.

(7) જીપીએસની લોગ ડીટેલ આપો.

(8) સેટેલાઇટ ફોનના કોલ લોગ અને ફોરેન્સિક વિશ્લેષણની વિસ્તૃત જાણકારી આપો.

(9) હુમલાખારોએ ઉપયોગ કરેલા મોબાઇલ ફોનના ફોરેન્સિક વિશ્લેષણની વિસ્તૃત જાણકારી.

(10) બોટમાંથી પ્રાપ્ત થયેલા નમૂના.

(11) અપરાધીઓ અને તેમના માર્ગદર્શકો વચ્ચે થયેલી વાતચીતની સંપૂર્ણ ટેપ આપો.

(12) અપરાધીઓ પાસેથી પ્રાપ્ત થયેલી વસ્તુઓ જપ્ત કર્યાની જાહેરાત આપો.

(13) અપરાધીઓને અને હુમલા વખતે તેમને સૂચના આપતા લોકો વચ્ચેની વાતચીતની સંપૂર્ણ ટેપ.

(14) સિમ કાર્ડનું ફોરેન્સિક વિશ્લેષણ.

(15) સિમ કાર્ડ ઉપલબ્ધ કરાવનાર તૌસિફ રહેમાન અને મુખ્તાર અહેમદ શેખ સાથે પૂછપરછનો રીપોર્ટ.

(16) અપરાધીઓને ભારતીય સિમ કાર્ડ ક્યાંથી મળ્યાં?

(17) પ્રાપ્ત થયેલા શસ્ત્રો પર નિશાનીઓની વિસ્તૃત જાણકારી.

(18) પ્રાપ્ત થયેલા શસ્ત્રોની તસવીર આપો.

(19) તમામ હુમલાખોરોની તસવીરો મોકલો.

(20) તમામ અપરાધીઓની વિસ્તૃત જાણકારી અને તેની ઓળખના પુરાવા.

(21) મુંબઈ એટીએસ પ્રમુખ હેમંત કરકરેની મૃત્યુ જે પરિસ્થિતિઓમાં થયું તેની વિસ્તૃત જાણકારી આપો.

(22) કરકરેની મૃત્યુના સાક્ષીની જુબાની આપો.

(23) ફરીથી ઇંધણ ભરાવ્યા વિના હુમલાખોરો મુંબઈ કેવી રીતે પહોંચ્યા?

(24) શું ભારતમાં ફરી ઇંધણ ભરવામાં આવ્યું હતું?

(25) અપરાધીઓને ભારતીય નૌકાદળે કેમ ન રોક્યાં?

(26) હુમલાખોરોની આંગળીઓના નિશાન અને તેનું ફોરેન્સિક વિશ્લેષણ આપો.

(27) કસાબે જાકિર ઉર રહેમાન લખવીની ઓળખાણ કેવી રીતે કરી?

(28) લખવીની તસવીર ક્યાંથી પ્રાપ્ત થઈ?

(29) દારૂગોળા અને શસ્ત્રો સાથે હુમલાખોરો મુંબઈ કેવી રીતે પહોંચ્યા?

(30) પ્રાપ્ત થયેલી ડિજિટલ ડાયરીની વિસ્તૃત માહિતી અને ફોરેન્સિક રીપોર્ટ આપો.

No comments: