જુઓ, બગલાં હંસ થઈને ફરે છે

ગર્વ ને ગુમાનમાં મદમસ્ત થઈને ફરે છે,
જુઓ, બગલાં હંસ થઈને ફરે છે.

ચાપલૂસીની ચાંચિયાગિરી કરતાં ફરે છે,
ભૂખ્યાં વરુઓ સિંહ થઈને ફરે છે.

સાધુ-સંતોની પોતડી હાથમાં લઇને ફરે છે,
જુઓ, લુખ્ખાં દાનવીરો થઈને ફરે છે.

ધર્મની માળાં જપતાં ફરે છે,
અબળાનો લાભ લેતાં ફરે છે.

રાજાની પાછળ વાજાં વગાડતાં ફરે છે,
રોજ રાતે પાયજામાં પલાળતાં ફરે છે.

સિંહોને સસલાં કહેતાં ફરે છે,
નંપુસકો મર્દ થઈને ફરે છે.

ચમચાઓની જમાત લઇને ફરે છે,
જુઓ, કાંચિડા રંગ બદલતાં ફરે છે.

સૂચનાઃ આ અગાઉ મેં એક લખ્યો હતો તેમાં મારા મિત્ર પરાગ દવેએ થોડાં હળવા શબ્દો રાખવાનું સૂચના કર્યું હતું। તેનું અહીં મેં પાલન કર્યું છે. થેન્ક યુ પરાગ.....થેન્ક યુ પરાગ.....થેન્ક યુ પરાગ..... !